پاکستان اور ویسٹ انڈیز کے درمیان جاری دوسرے ٹیسٹ میچ کے تیسرے دن کا کھیل ختم ہوگیا ہے۔ میچ برج ٹاؤن کے بارباڈوس گرائونڈ میں کھیلا جارہا ہے۔ آج کھیل ختم ہونے تک ویسٹ انڈیز نے ایک وکٹ کےنقصان پر40رنز بنا لیئے ہیں ۔
میچ میں پاکستان کو ویسٹ انڈیز کے خلاف ابھی 41رنز کی برتری حا صل ہے۔ ویسٹ انڈیز کے جانب سے شمرون ہیٹمائر22 اور کریگ بریتھ ویٹ8 رنز پر ناٹ آؤٹ ہیں، جبکہ کائرن پاول6 رنز بنا کر محمد عباس کی گیند پر آؤٹ ہو گئے ۔
اس سے پہلے ویسٹ انڈیز کے خلاف پاکستان کی پوری ٹیم 393رنز بنا کر آؤٹ ہو گئی تھی۔ ٹیم جی جانب سے اظہر علی نے سب سے زیادہ 105 رنز بنائے۔، جبکہ مصباح الحق 99رنزبنا کر ہولڈر کی گیند پر آئوٹ ہوگئے۔ وہ اس سیریز میں دوسری بار 99 رنز کے اسکور پر پہنچ کر اپنی سنچری مکمل نہ کر پائے۔
ٹیم کے دیگر بیٹسمینوں میں یاسر شاہ 24رنز، شاداب خان16، اسد شفیق15، محمدعامر10 اور سرفراز احمد 9 رنز بنا کر آؤٹ ہوئے۔ اس سے پہلے احمد شہزاد70رنز ، جبکہ بابر اعظم اور یونس خان کوئی رن بنائے بغیر پولین لوٹ گئے تھے۔
کالی آندھی ٹیم کے بولرز کی جانب سے شینن گیبریئل نے81 رنز دے کر سب سے زیادہ 4کھلاڑیوں کو آؤٹ کیا، تاہم جیسن ہولڈراور دویندرا بشو نے3،3 وکٹ لیے۔
