ممبئی (مانیٹرنگ ڈیسک)بالی ووڈ کی اداکارہ سونیکا چوہان خطرناک کار حادثے میں ہلاک ہو گئیں۔ ذرائع کے مطابق سونیکا چوہان اپنے بوائے فرینڈ وکرم چیٹرجی کےب ساتھ جنوبی کولکتہ کے علاقے راشبھیری میں سڑک پر جا رہی تھیں کہ تیز رفتاری کے باعث ان کی کار سڑک کے ڈیوائیڈر سے ٹکرا گئی جس سے عقبی سیٹ پر بیٹھی ہوئی سونیکا موقع پر دم توڑ گئیں جبکہ ان کا بوائے فرینڈ وکرم چیٹر جی شدید زخمی ہو کر کومے میں چلا گیا ہے اور اس کی حالت تشویشناک بتائی جاتی ہے۔ پولیس نے واقعے کا مقدمہ درج کر لیا ہے جبکہ لاش کو ضروری چھان بین کے بعد ورثا کے حوالے کر دیا گیا ہے۔
