ممبئی (آئی این پی) بالی ووڈ اداکارہ کترینہ کیف نے کہا ہے کہ میں نے انڈسٹری میں پاوں جمانے کے لئے سخت محنت کی ہے۔
غیرملکی میڈیا کے مطابق کترینہ آج کل میگا بجٹ فلم ’ٹھگس آف ہندوستان‘ کی شوٹنگ میں مصروف ہیں۔34 سالہ اداکارہ کے مطابق وہ اپنے فلمی کریئر کی تمام مشکلات، اتار چڑھاؤ، کامیابیوں، ناکامیوں اور فلم انڈسٹری سے سیکھی گئی ہر ایک بات پر کتاب لکھنا چاہتی ہیں۔انہوں نے کہا کہ انہیں کریئر کے ابتدائی دنوں میں تنقید کا نشانہ بنایا گیا، وہ سخت دباؤ کا شکار بھی رہیں۔انہوں نے انڈسٹری میں موجود لوگوں کے رویوں اور عمل سے بہت کچھ سیکھا اور انہیں جان کر انہوں نے انڈسٹری میں اچھی کامیابی حاصل کی۔کترینہ نے کہاکہ انڈسٹری میں پاؤں جمانے کے لئے سخت محنت اور لگن سے کام لیا، ابتدا سے ہی ان کا مقصد بالی وڈ میں خود کو منوانا تھا۔
