واشنگٹن: سابق امریکی صدر باراک اوباما کو ان کی خدمات کے اعتراف میں ’جان ایف کینیڈی ‘ فاؤنڈیشن نے ایوارڈ دینے کا اعلان کردیا۔
سی این این کے مطابق سابق امریکی صدر باراک اوباما کو’جان ایف کینیڈی ‘ فاؤنڈیشن نے ایوارڈ دینے کا اعلان کیا ہے، یہ اعزاز جمہوری اقدار کی علمبرداری اورسیاسی حوصلہ مندی کی بنیاد پر دیا جارہا ہے۔ اوباما اپنے دور حکومت میں کیوبا کے ساتھ بھی سفارتی تعلقات میں بہتری لائے، سابق امریکی صدر جان ایف کینیڈی کی بیٹی کیرولین کینیڈی اور ان کے بیٹے جیک اسکولزبرگ، باراک اوباما کو یہ ایوارڈ دیں گے۔
واضح رہے کہ ’جان ایف کینیڈی ‘ فاؤنڈیشن کی جانب سے یہ ایوارڈ ضمیر کے مطابق جرات مندانہ فیصلے کرنے والوں کو دیا جاتا ہے۔
