👇👇👇🇵🇰🤝🇨🇦
Voice of Canada اردو
ایک سال میں ریکارڈ 1061 پاکستانی ڈاکٹروں نے امریکا میں رہائش حاصل کرلی
رپورٹ: بشیر باجوہ | وی او سی اردو | تاریخ: 8 اپریل 2025
اسلام آباد: پاکستانی ڈاکٹروں کی ایک ریکارڈ تعداد نے گزشتہ ایک سال کے دوران امریکا میں رہائش حاصل کرلی۔ پاکستان میڈیکل اینڈ ڈینٹل کونسل (پی ایم ڈی سی) کے صدر ڈاکٹر رضوان تاج کے مطابق یہ تعداد امریکی ریزیڈنسی حاصل کرنے والے پاکستانی ڈاکٹروں کے لیے سب سے زیادہ ہے۔
ڈاکٹر رضوان تاج نے کامیابی کو پاکستانی میڈیکل ایجوکیشن کے معیار کی عکاسی قرار دیتے ہوئے کہا کہ 1061 ڈاکٹروں کی کامیابی ہماری محنت اور معیاری تعلیم کا ثبوت ہے۔ ان کے مطابق، پاکستانی ڈاکٹروں نے یو ایس ایم ایل ای، انٹرویوز اور دیگر سخت مراحل کامیابی سے طے کیے ہیں۔
پروفیسر رضوان تاج نے کہا کہ پاکستانی ڈاکٹروں کی یہ کامیابی عالمی سطح پر پاکستان کے میڈیکل ایجوکیشن کی اہمیت کو اجاگر کرتی ہے اور اس سے عالمی صحت کے نظام میں پاکستان کا کردار مزید مستحکم ہوگا۔
پاکستان کے مشہور میڈیکل کالجز جیسے کنگ ایڈورڈ، ڈاؤ، اور علامہ اقبال میڈیکل کالجز کے طلبہ کی بڑی تعداد نے امریکی ریزیڈنسی حاصل کی ہے، جو کہ پاکستانی میڈیکل ایجوکیشن کے معیار کی عکاسی کرتی ہے۔
—
وی او سی اردو: تحقیقی، تجزیاتی اور غیر جانبدار صحافت کا معتبر پلیٹ فارم
مزید خبروں کے لیے وزٹ کریں: www.newsvoc.com
ہمارا واٹس ایپ چینل جوائن کریں: https://whatsapp.com/channel/0029VaCmBaI84OmAfXL45G1k
