ایوانکا ٹرمپ سے ملاقات کی خواہش رکھنے والا جعلی امریکی سینیٹر گرفتار ، چاقو برآمد

نیو یارک( آن لائن ) ایوانکا ٹرمپ سے ملاقات کی خواہش رکھنے والے جعلی امریکی سینیٹر کو گرفتار کرلیا گیا،جس سے چاقو بھی برآمد ہوا ہے
غیر ملکی خبررساں ادارے کے مطابق امریکی صدر ڈونلڈ ٹرمپ کی بیٹی ایوانکا ٹرمپ سے ملنے کے لیے ایک شخص نے امریکی سینیٹر ہونے کا دعویٰ کیا اور ٹرمپ ٹاور کے اندر گھس آیا جب کہ سینیٹر ہونے کا دعویٰ کرنے والے شخص کے پاس 2 چاقو بھی تھے اور وہ ایوانکا کا پوچھ رہا تھا۔نیویارک پولیس کے مطابق 52 سالہ ایڈمز بینیٹیز کو حراست میں لے لیا گیا، ملزم کے پاس بلٹ پروف جیکٹ اور جعلی آئی ڈی کارڈ بھی تھا جب کہ پولیس نے گرفتار شخص کو ذہنی مریض قرار دیا۔