ایشین گیمز کوالیفائنگ راؤنڈ کے لیے پاکستان ویمن ہاکی ٹیم کا اعلان کر دیا گیا

ایشین گیمز کوالیفائنگ راؤنڈ کے لیے پاکستان ویمن ہاکی ٹیم کا اعلان کر دیا گیا ،18رکنی ٹیم کی قیادت رضوانہ یاسمین کریں گی۔
لاہور میں جاری چار روزہ کیمپ اور دو روز ٹرائلز کے بعد 18 رکنی ویمن ہاکی اسکواڈ کا اعلان کر دیا گیا ،سینئرکھلاڑی افشاں نورین کو ایک بار پھر ٹیم سے نظر انداز کردیا گیا جبکہ 18 رکنی اسکواڈ کی قیادت رضوانہ یاسمین کریں گی ۔
کھلاڑیوں میں رمشاخان ،عشرے عباس،تسکین کوثر ،مرینہ انوار، ندا اصغر ،زکیہ نواز،زیب النسا ،نفیسہ انور،رمشا الیاس ،سحرش وحید ،حنا پرویز، مائرہ صابر ،تحمینہ ،عنبرین ارشد، کلثوم شہزادی اور سائرہ اشرف بھی ٹیم کا حصہ ہیں ۔
ایشین گیمز کوالیفائنگ راؤنڈ 12جنوری سے 20جنوری تک بینکاک میں کھیلے جائیں گے ۔