ایرانی میزائل حملوں میں 10 اسرائیلی ہلاک، 200 سے زائد زخمی – اسرائیلی میڈیا
وی او سی اردو عالمی سیکیورٹی ڈیسک
: تل ابیب / اسرائیل – تہران / ایران
ایرانی میزائل حملوں میں 10 اسرائیلی ہلاک، 200 سے زائد زخمی – اسرائیلی میڈیا
اسرائیلی میڈیا کے مطابق ایران کی جانب سے اتوار کی صبح کیے گئے میزائل حملوں کے نتیجے میں اب تک 10 افراد ہلاک جبکہ 200 سے زائد زخمی ہو چکے ہیں۔ بیت یام میں ایک رہائشی عمارت کے ملبے سے مزید دو لاشیں نکالی گئی ہیں، جس کے بعد صرف اس مقام پر ہلاکتوں کی تعداد 6 ہو گئی ہے۔ عمارت کی مکمل تباہی کے بعد 35 افراد تاحال لاپتا ہیں۔
اس کے علاوہ شمالی اسرائیلی شہر تمرہ میں بھی میزائل حملے کے نتیجے میں 4 افراد کے جاں بحق ہونے کی اطلاع ہے۔
مجموعی طور پر ایران کے بیلسٹک اور ہائپرسانک میزائل حملوں نے اسرائیل کے دفاعی نظام کو چیلنج کر دیا ہے۔ اسرائیل میں میڈیا کی آزادی محدود ہونے کے باعث ماہرین کا کہنا ہے کہ اصل جانی و مالی نقصان اس سے کہیں زیادہ ہو سکتا ہے۔ متعدد شہروں میں میڈیا بلیک آؤٹ نافذ کر دیا گیا ہے، جس کی وجہ سے آزادانہ رپورٹنگ ممکن نہیں۔
یاد رہے کہ اسرائیلی دفاعی نظام ہائپرسانک میزائلوں کو تباہ کرنے کے لیے مکمل طور پر مؤثر نہیں ہے، کیونکہ یہ میزائل آواز سے پانچ گنا زیادہ رفتار سے حرکت کرتے ہیں اور دفاعی نظام کی پکڑ سے بچ نکلتے ہیں۔
دوسری طرف اسرائیل نے بھی تہران، اصفہان اور شراز میں جوابی حملے کیے، جہاں آئل ڈپو، ڈرون فیکٹریوں اور میزائل سائلوز کو نشانہ بنایا گیا۔
—
وی او سی اردو کا تبصرہ:
ایران اور اسرائیل کی حالیہ کشمکش اب صرف لفظی یا تزویراتی جنگ نہیں رہی بلکہ دونوں فریق میدانِ جنگ میں مکمل طور پر سرگرم ہو چکے ہیں۔ ایران کی طرف سے ہائپرسانک میزائلوں کا استعمال جنگ کے توازن کو یکسر تبدیل کر رہا ہے۔ اسرائیل کا دفاعی نظام بظاہر فرسودہ دکھائی دے رہا ہے، اور امریکہ کی مداخلت کے بغیر اسرائیل کا بچاؤ مشکل ہوتا جا رہا ہے۔
دوسری طرف، ایرانی حملوں کے نقصانات کو اسرائیل کی جانب سے دبا دیا جا رہا ہے، جو اس بات کا اشارہ ہے کہ اندرونی حالات شاید رپورٹ ہونے والے اعداد و شمار سے زیادہ سنگین ہیں۔ ایسے میں مشرقِ وسطیٰ کی آگ صرف سرحدی معاملہ نہیں رہے گی، بلکہ عالمی سیاست کو بھی اپنی لپیٹ میں لے سکتی ہے۔
—
وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k
ڈسکلیمر:
یہ خبر ابتدائی معلومات، مقامی ذرائع یا سرکاری بیانات پر مبنی ہے۔ تفتیشی یا ادارتی پیشرفت کی بنیاد پر معلومات میں تبدیلی ممکن ہے۔
VOC/032/150625
