کراچی(نیوز وی او سی) ماڈل و اداکارہ بینا حسن نے کہا ہے کہ عید کے دنوں میں نمائش پذیر ہونیوالی فلموں نے پاکستان سمیت دنیا بھر میں ریکارڈ بز نس کرکے ملکی فلم انڈسٹری کو ایک نئی مارکیٹ دیدی ہے ۔ ایک تقریب میں گفتگوکرتے ہوئے انہوں نے کہا شوبز میں پڑھے لکھے لوگوں کے آنے سے اس فیلڈ کا ماحول کافی بہتر ہوا ہے ماضی میں شوبز میں کام کرنیوالی لڑکیوں کو لوگ بری نظر سے دیکھتے تھے لیکن آج بڑے بڑے گھرانوں کی لڑکیاں اس فیلڈ میں کام کررہی ہیںانہوں نے کہا اپنے کام کی وجہ سے پہچان بنانا چاہتی ہوں کسی بھی غلط سہارے کا استعمال کرکے شہرت کی بلندیوں کو نہیں چھونا چاہتی عارضی مقبولیت سے بہتر ہے کہ انسان ایسے کام کرے جسے برسوں یاد رکھا جائے انکا کہنا تھا کچھ ڈرامے اور ٹیلی فلموں کی شوٹنگ میں مصروف ہوں، فلم پروڈیوسرز کی جانب سے آفرز ہیں لیکن اچھی ٹیم کیساتھ کام کرنے کو ترجیح دوں گی۔
