کینٹ بیری(نیوز وی او سی آن لائن) پاکستان ٹیسٹ ٹیم میں شامل نوجوان بیٹسمین امام الحق کا کہنا ہے انگلینڈ میں کنڈیشنز مشکل ضرور ہیں لیکن انہیں امید ہے کہ ٹیم کے کھلاڑی جلد ایڈجسٹ جائیں گے اور ٹیسٹ سیریز میں بہتر کارکردگی دکھائیں گے۔
کینٹربری میں انگلش کرکٹ کلب کینٹ کے خلاف چار روزہ پریکٹس میچ میں 61 رنز کی اننگز کھیلنے والے امام الحق کا کہنا تھا کہ انگلینڈ میں کنڈیشنز بولرز کے لیے ساز گار ہیں۔انہوں نے کہا کہ امید ہے ٹیم یہاں کی کنڈیشنز سے جلد ہم آہنگ ہوجائے گی۔امام الحق نے کہا کہ وہ انڈر 19 ٹیم کے ساتھ پہلے بھی انگلینڈ کا دورہ کرچکے ہیں اور انہیں امید ہے کہ وہ ان کنڈیشز میں اچھا پرفارم کریں گے۔
