انڈسٹری صرف نئی فلمیں بنانے سے آباد نہیں ہو گی:صبا قمر

لاہور(آئی این پی)سرمایہ کاری بھی بہت بڑی ضرورت ہے تمام فنکار اور ہدایتکار مشترکہ حکمت عملی کیساتھ چلیں تو مسائل کو سالوں نہیں مہینوں میں حل کیا جا سکتا ہے ۔اپنے ایک انٹر ویو میں صبا قمر نے کہا کہ پاکستانی فلموں کی کامیابی خوش آئند ہے فلمیں تو بنائی جا رہی ہیں لیکن یہ بھی دیکھنا ضروری ہے کہ انکا معیار کیا ہے کیونکہ غیر معیاری فلمیں ایک ہزار بھی بنا لی جائیں تو اس کا انڈسٹری کو کوئی فائدہ نہیں ہو گا اس لئے میں سمجھتی ہوں کہ فلم انڈسٹری میں زیادہ سے زیادہ سرمایہ لگانے کی ضرورت ہے کیونکہ جب سرمایہ زیادہ ہو گا تو اس سے معیاری فلمیں بنیں گی۔