ملتان: (نیوز وی او سی آن لائن )ملتان کے ہسپتال انسٹیٹیوٹ آف کارڈیالوجی کی دوسری منزل میں اچانک آگ لگ گئی جس کے دھوئیں سے متعدد مریضوں کی حالت خراب ہو گئی ہے۔ تفصیلات کے مطابق ریسکیو حکام کا کہنا تھا کہ تمام مریضوں کو وارڈ سے باہر محفوظ جگہ منتقل کر دیا گیا ہے جبکہ فائر بریگیڈ کی 5 گاڑیاں آگ بجھانے میں مصروف ہیں۔ ہسپتال میں آگ دوسری منزل کے ایک کمرے میں اچانک شارٹ سرکٹ ہونے کے باعث لگی تھی، تاحال کسی قسم کے جانی نقصان کی اطلاعات موصول نہیں ہوئیں۔
