انتہا پسند ہندو ہر مخالف سوچ رکھنے والے کو قتل کرنے کی دھمکیاں دیتے ہوئے نظر آتے ہیں
ممبئی (نیوز وی او سی آن لائن )نریندر مودی کے وزیراعظم بننے کے بعد بھارتی معاشرے میں شدت پسندی عروج پر ہے ،اب انتہا پسند ہندو ہر مخالف سوچ رکھنے والے کو قتل کرنے کی دھمکیاں دیتے ہوئے نظر آتے ہیں ،ایسے ہی فلم ”پد ماوت “پر بھی بھارت میں خوب واویلا مچا یا جا رہا ہے اور فلم کی مرکزی اداکارہ کو قتل کی دھمکیاں موصول ہو رہی ہیں۔دوسری جانب بالی ووڈ اس فلم کی پوری ٹیم کی مکمل حمایت کرتی ہوئی نظر آرہی ہے ۔
قتل کی دھمکیاں ملنے کے بعد دپیکا پڈ کون بھی میدان میں آگئیں اور انہوں نے مولانا رومی کا ایک قول بھی سوشل میڈ یا پر شیئر کردیا ۔مائیکرو بلاگنگ ویب سائٹ ٹوئٹر پر دپیکا پڈ کون نے مولانا رومی کا قول شیئر کرتے ہوئے کہا ”صرف دل سے ہی آپ آسمان کو بھی چھو سکتے ہیں“۔اداکارہ نے اپنی فلم کو سپورٹ کرنے پر فلم ”پیڈ مین“کی ٹیم کا شکریہ بھی ادا کیا ۔
واضح رہے کہ ہندو انتہاپسندوں نے فلم ’پدماوت‘ کی ریلیز پر ہدایت کار سنجے لیلا بھنسالی اور اداکارہ دپیکا پڈوکون کو زندہ دفن کرنے کی دھمکی دی ہے۔بھارت کے معروف ہدایت کار سنجے لیلا بھنسالی کی فلم ’پدماوت‘ شوٹنگ کے وقت سے ہی انتہاپسند ہندوﺅں کے نشانے پر رہی اور دوران شوٹنگ متعدد پر سیٹ پر نہ صرف حملے کیے گئے بلکہ ایک بار تو پورے سیٹ کو جلا کر راکھ بھی کردیا گیا مگر اس کے باوجود ہدایت کار اپنے مشن پر ڈٹے رہے اور تمام تر مشکلات کے باجود فلم کی شوٹنگ مکمل کی ۔بھارتی عدالت کی جانب سے فلم کی ریلیز کی اجازت کے بعد بھی انتہا پسند ہندو طرح طرح کی دھمکیاں دے رہے ہیں جس سے فلم کی کاسٹ خوفزدہ ہے
