👇👇👇🇵🇰🤝🇨🇦
Voice of Canada اردو
امریکی خاتون اونیجا ایڈریو کا شبانہ جیلانی کے لیے محبت بھرا پیغام: سندھ پولیس افسر کو نیویارک آنے کی دعوت
: 10 اپریل 2025
رپورٹ: بشیر باجوہ | VOC اردو
پاکستانی لڑکے کی مبینہ محبت میں پاکستان پہنچ کر سوشل میڈیا پر وائرل ہونے والی امریکی شہری اونیجا اینڈریو رابنسن نے وطن واپسی کے بعد سندھ پولیس کی افسر شبانہ جیلانی کے لیے خصوصی پیغام جاری کیا ہے، جس میں انہوں نے شبانہ کو “مثالی خاتون افسر” قرار دیا۔
برطانوی نشریاتی ادارے بی بی سی ایشین نیٹ ورک کو دیے گئے انٹرویو میں 33 سالہ اونیجا نے کہا کہ شبانہ نے پاکستان میں ان کے قیام کے دوران نہ صرف ان کی حفاظت کی بلکہ ایک شفیق میزبان کی طرح ان کا خیال بھی رکھا۔
اونیجا کے مطابق:
> “شبانہ ایک اچھی پولیس افسر ہونے کے ساتھ ساتھ ایک بہترین خاتون بھی ہیں، جنہوں نے میرے لیے خاندان جیسا ماحول فراہم کیا۔ ہم جیسے ایک ساتھ پروان چڑھے ہوں۔”
انہوں نے انکشاف کیا کہ شبانہ جیلانی کو نیویارک بے حد پسند ہے، اور اگر وہ کبھی نیویارک آئیں گی تو اونیجا ان سے ضرور ملاقات کریں گی۔
اونیجا اینڈریو نے پاکستان میں شبانہ جیلانی کے ساتھ بنائی گئی ویڈیوز کی یاد دہانی بھی کرائی اور ایک بار پھر ان کے لیے محبت کا اظہار کرتے ہوئے روایتی انداز میں کہا:
> “آئی لو شبانہ!”
یاد رہے کہ اونیجا اینڈریو رابنسن 2024 کے اختتام پر کراچی پہنچی تھیں اور چند ماہ قیام کے بعد فروری 2025 میں امریکا واپس روانہ ہو گئی تھیں۔ ان کی آمد اور واپسی دونوں مواقع پر میڈیا اور سوشل پلیٹ فارمز پر خوب چرچا رہا۔
وی او سی اردو: تحقیقی، تجزیاتی اور غیر جانبدار صحافت کا معتبر پلیٹ فارم
مزید خبروں کے لیے وزٹ کریں: www.newsvoc.com
ہمارا واٹس ایپ چینل جوائن کریں: https://whatsapp.com/channel/0029VaCmBaI84OmAfXL45G1k
ڈسکلیمر:
یہ خبر ابتدائی اطلاعات اور انٹرویو پر مبنی ہے، جس کا مقصد صرف عوامی آگاہی ہے۔ وی او سی اردو کسی ذاتی تعلق یا دعوے کی تصدیق یا تردید کا ذمہ دار نہیں۔
