نیو یارک(نیوز وی او سی) امریکی تھرلر فلم ’رنگز ‘ کا دل دہلا دینے والانیا ٹریلر جاری کردیا گیا ہے، یہ فلم شائقین کے لئے 28اکتوبر کو سینما گھروں میں نمائش کے لئے پیش کی جائے گی۔
تفصیلات کے مطابق یہ فلم 2002 میں ریلیز ہونے والی فلم” دی رنگز” کا تیسرا حصہ ہے ۔ خوف اور دہشت سے بھرپور فلم کی کہانی ایک ایسی پر اسرار ویڈیو ٹیپ کے گرد گھومتی ہے جسے دیکھنے والے کو یہ دھمکی دی جاتی ہے کہ اسے سات روز کے اندر قتل کردیا جائے گا۔ اس فلم کے ہدایتکارایف جیویئر ہیں جبکہ فلم کی کاسٹ میں میٹلڈا لوٹز،ایمی ٹی گارڈن،لورا ویگنز،ایلکس روئے،جوہنی گیلیکی اور ایڈم فرسٹو سمیت دیگر اداکار شامل ہیں۔
لورے مک ڈونلڈ اور والٹر ایف پارکس کی مشترکہ پروڈیوس کردہ یہ فلم پیراماونٹ پکچرز کے بینر تلے نمائش کے لئے 28اکتوبر کو سینما گھروں میں پیش کی جائے گی۔
