امریکی باکس آفس پر اس ہفتے ”سپلٹ ” اور ”ریٹرن آف زینڈر کیج ” میں مقابلہ

لاہور ( نیوز وی او سی آن لائن ) آج سے شروع ہونے والے ویک اینڈ پر امریکی باکس آفس پر مقابلہ ، نفسیاتی مسئلے دہری شخصیت پر بنی فلم سپلٹ اور ایکشن سے بھرپور ریٹرن آف زینڈر کیج میں پہلے نمبر پر آنے کی دوڑ ہو گی ۔ آج ریلیز ہوئی فلموں سپلٹ Split اور ریٹرن آف زینڈر کیج The Return of Xander Cage کے درمیان پہلے نمبر پر آنے کے لئے سخت مقابلہ ہے ۔ سپلٹ میں اداکار جیمز میک اوئے نے مرکزی کردار ادا کیا ہے جو نفسیاتی بیماری دہری شخصیت میں مبتلا ہے ۔ فلم میں وہ کبھی عورت اور کبھی نو سال کا بچہ بن جاتا ہے ۔ اداکار وِن ڈیزل کی فلم زینڈر کیج ایکشن سے بھرپور ہے جو ایک تباہ کن ہتھیار کی تلاش کے لئے خود ساختہ جلا وطنی سے واپس آ جاتا ہے ۔ آج ہی ریلیز ہوئی فلم دی فاؤنڈر کے دوسرے نمبر پر آنے کی توقع ہے ۔ فلم ایک فاسٹ فوڈ چین کے بانی کی زندگی پر مبنی ہے ۔