نارووال (نیوز وی او سی آن لائن )وفاقی وزیر داخلہ احسن اقبال نے کہا ہے کہ قومیں جھوٹے نعرے لگانے سے ترقی نہیں کرتیں ،ہم نے رکاوٹوں کے باوجود ترقیاتی منصوبوں پر کام جاری رکھا ،اگلے الیکشن میں عوام ترقی کی سیاست کوووٹ دیں گے ۔نا رو وال میں تقریب سے خطاب کرتے ہوئے انہوں نے کہا کہ نواز شریف کو سڑک کی اہمیت کا پتہ ہے ،سڑکوں کے بغیر علاقے پسماندہ ہو جاتے ہیں ،سڑکیں طالب علم کو تعلیم گاہ ،مریض کو ہسپتال ،اشیا خوردونوش کو مارکیٹوں تک پہنچا تی ہیں ۔ان کا کہنا تھا کہ پنجاب میں شہباز شریف نے 11ماہ میں میٹرو بنا دی ،پشاور میں 2014سے زیر تعمیر ریپڈ بس سروس منصوبہ آج تک ختم نہیں ہوا ۔انہوں نے کہا کہ ملک میں 17سو کلو میٹر موٹر ویز بن رہی ہیں ،اگلے سال تک 22کلو میٹر کی موٹر ویز بنیں گی ۔وزیر داخلہ نے کہا کہ سی پیک کے خلاف ہمارے دشمنوں نے کروڑوں روپے لگا دئیے اور ہم ایک دوسرے کی ٹانگیں کھینچ رہے ہیں ،ہمارے دشمن چاہتے ہیں ہم اقتصادی طور پر کریش کر جائیں ۔
