افغانستان میں بھارت کا کردار کیا ہونا چاہیے ، وزیر اعظم کے دبنگ جواب پر ہال قہقہوں سے گونج اٹھا

نیو یارک 24 ستمبر 2017
(بشیر باجوہ بیورو چیف پاکستان نیوز وائس آف کینیڈا)
افغانستان میں بھارت کا کردار زیرو ہونا چاہیے ،غیر ملکی صحافی کے مفصل سوال پر وزیر اعظم کے مختصر ترین مگر دبنگ جواب پر سارا ہال قہقہوں سے گونج اٹھا ۔تفصیلا ت کے مطابق وزیر اعظمپاکستان شاہد خاقان عباسی نیو یارک میں ایک غیر رسمی انٹرویو کے دوران صحافیوں سے بات چیت کر رہے تھے کہ ایک امریکی صحافی نے پوچھا کہ میں حیران ہوں کہ آپ نے ٹرمپ انتظامیہ کے نقطہ نظر میں افغانستان میں بھارت کے کردار کے حوالے سے بہت کم بات کی ،آپکے خیال میں افغانستان میں بھارت کا کیا کردار ہونا چاہیے۔اتنے مفصل سوال کے جواب میں وزیر اعظم نے کہا "زیرو” اور یہ کہہ کر بلند آواز سے ہنسے ۔ اس بات پر پورا ہال قہقہوں سے گونج اٹھا