لاہور(کلچرل رپورٹر)سینئراداکار اشرف راہی کی طبیعت ایک بارپھر بگڑ گئی ۔وہ گزشتہ شب فتح گڑھ کے قریب فضل ٹرسٹ ہسپتا ل میں داخل رہے ۔سٹیج، ٹی وی اورفلم کے سینئراداکاراشرف راہی کو27مئی کوشدیدعلالت کے باعث سرجیمیڈ ہسپتال داخل کرایاگیاتھاجہاں ان کی طبیعت قدرے بہترہونے پرانہیںچھٹی دے دی گئی ۔تاہم گزشتہ روزان کی طبیعت دوبارہ خراب ہوگئی جس کے باعث انہیں فضل ٹرسٹ ہسپتال داخل کرایاگیاجہاں شب بھرانکاعلاج جاری رہا اور اشرف راہی حالت بہتر ہونے پرصبح کوانہیں گھرشفٹ کردیاگیا۔واضح رہے کہ اشرف راہی موہروں کی شدیدتکلیف کاشکارہیں۔اس کے علاوہ وہ ہیپاٹائٹس اورشوگرکے مرض میں بھی مبتلاہیں۔اداکارنے حکومت سے اپیل کی ہے کہ انکامفت علاج کرایاجائے اورانکی مالی امدادکی جائے ۔
