ممبئی(آن لائن)بھارتی فلم انڈسٹری کی بنگالی حسینہ بپاشا باسو (آج)7جنوری کو اپنی 39ویں سالگرہ منائیں گی۔
غیرملکی میڈیا کے مطابق بپاشا باسو 7جنوری 1979کو بھارت کے شہر نئی دہلی میں پیدا ہوئیں۔انہوں نے اپنے کریئر کا آغاز ماڈلنگ سے کیا، پھر بالی ووڈ انڈسٹری میں قدم رکھا اور ایک کے بعد ایک کامیاب فلمیں دیں۔انہوں نے ہندی زبان کے علاوہ تامل بنگالی اور تلگو زبان کی فلموں میں بھی کام کیا۔بالی ووڈ میں ان کی پہلی فلم ’ ’اجنبی ‘‘ تھی لیکن ان کو کامیابی فلم راز سے ملی،ان کی دیگر فلموں میں جسم، نو انٹری، دھوم ٹو ،ریس شامل ہیں۔
