لاہور(نیٹ نیوز) معروف اداکار احسن خان اس وقت ‘چشم نم’ نامی ایک مختصر فلم کی پروڈکشن میں مصروف ہیں جو ایک رومانوی ڈرامہ ہے جس کی کہانی بینائی سے محروم دو افراد کے گرد گھومتی ہے جو ایک دوسرے کی محبت میں گرفتار ہوجاتے ہیں مگر جھوٹ کا جال ان کا منتظر ہوتا ہے ۔اس فلم میں احسن خان کے ساتھ جسیم خان اور امر خان بھی کام کررہے ہیں جو فلم کے رائٹر بھی ہیں۔یہ فلم دسمبر کے پہلے ہفتے میں ریلیز کیے جانے کا امکان ہے ۔
