لندن(نیوز وی او سی آن لائن)سابق وزیر اعظم نواز شریف کا کہنا ہے کہ احتساب عدالت نے بلایا تو واپس آجائیں گے۔
نجی چینل”دنیانیوز“سے خصوصی گفتگو کرتے ہوئے نواز شریف کا کہنا تھا کہ بیگم کلثوم نوازکافی کمزورہوگئی ہیں ان کی صحت یابی کیلئے دعاکریں۔ انہوں نے کہا کہ زندگی میں نشیب و فرازآتے ر ہتے ہیں، چاہتاہوں زیادہ سے ز یادہ اہلیہ کے پاس رہوں۔نواز شریف کا کہنا تھا کہ احتساب عدالت نے بلایاتووطن واپس آجائیں گے۔
اس سے قبل میڈیا سے مختصر گفتگو میں نواز شریف کا کہنا تھا کہ بیگم کلثوم نواز کا علاج ابھی جاری ہے اور ان کے کیمو تھراپی کے 6 سیشن مکمل ہو چکے ہیں اور تازہ ترین ٹیسٹ میں ان کے جسم میں کینسر کے بڑھنے کی تشخیص ہوئی ہے۔انہوں نے بتایا کہ اس کے علاوہ بھی بیگم کلثوم نواز کو مسائل ہیں جس کی وجہ سے وہ ہسپتال میں زیر علاج ہیں، تمام لوگوں سے درخواست ہے کہ دنیا بھر کے مریضوں کی جلد صحت یابی کے لیے دعا کریں۔
