لاہور (نیوز وی او سی آن لائن )پاکستان مسلم لیگ ن کے رہنما عابد شیر علی ہمیشہ ہی ایسی کوئی نہ کوئی عجیب و غریب ٹویٹ اور گول مول ٹویٹ ضرور کردیتے ہیں جس کے باعث سوشل میڈیا پر نئی بحث شرو ع ہو جاتی ہے ۔
تفصیلات کے مطابق عابد شیر علی کی کچھ عرصہ قبل ایک ویڈیو منظر عام پر آئی جس میں وہ بالکل سپورٹس مین والی ورزش کرتے ہوئے نظر آتے ہیں ، عابد شیر علی کی یہ ویڈیو سوشل میڈیا پر بہت زیادہ وائرل ہوئی جس پر طرح طرح کے تبصرے دیکھنے میں آئے تاہم اب انہوں نے ایک اور عجیب و غریب ٹویٹ کر دیاہے ۔
ریحام خان نے اپنی کتاب میں عمران خان پر سنگین ترین الزامات کی بارش کی ہے اور مبینہ طور پر ان پر منشیات استعمال کرنے کا ابھی الزام عائد کیا ہے جس پر عابد شیر علی نے ان کا نام لیے بغیر ایسا پیغام جاری کر دیا کہ سن کر پی ٹی آئی والے بھی دنگ رہ جائیںگے ۔
عابد شیر علی کا اپنے ٹویٹ میں کہناتھا کہ ’آنے والے الیکشن میں ہر امیدوار کا خون ٹیسٹ کر کے نشہ کرنے والے کو نا اہل قرار دیا جائے ‘۔
