راولپنڈی(نیوز ایجنسیاں ،نیوز وی او سی آن لائن ) آرمی چیف جنرل قمر جاوید باجوہ سے ترکی کے ڈپٹی چیف آف جنرل اسٹاف نے ملاقات کی ، جس میں باہمی دلچسپی اور پیشہ ورانہ امور پر تبادلہ خیال کیا گیا ۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے جنرل ہیڈ کوارٹرز میں ترکی کے ڈپٹی چیف آف جنرل اسٹاف امت دندارنے ملاقات کی ۔ ملاقات میں باہمی دلچسپی اور پیشہ ورانہ امور سمیت دونوں برادر ملکوں کے درمیان دفاعی اور سیکیورٹی تعاون پر تبادلہ خیال کیاگیا ۔ آئی ایس پی آر کے مطابق دونوں جانب سے انسداد دہشت گردی اور تربیت کے حوالے سے دونوں ممالک کی فوجوں کے درمیان تعاون پر اتفاق کیا گیا ۔ترک ڈپٹی چیف آف جنرل اسٹاف امت دندار نے دہشت گردی کو شکست دینے اورخطے میں امن واستحکام کیلئے پاک فوج کی کوششوں کو سراہا ۔
