آئی ایم ایف سے بجٹ مذاکرات کا دوسرا دور شروع، تنخواہ داروں پر انکم ٹیکس کم کرنے کیلئے بات چیت جاری

آئی ایم ایف سے بجٹ مذاکرات کا دوسرا دور شروع، تنخواہ داروں پر انکم ٹیکس کم کرنے کیلئے بات چیت جاری

18 مئی 2025
رپورٹر: وی او سی اردو ڈیسک

اسلام آباد
آئندہ مالی سال 26-2025 کے بجٹ کی تیاریوں کے سلسلے میں عالمی مالیاتی فنڈ (آئی ایم ایف) کے ساتھ پاکستان کے بجٹ مذاکرات کے دوسرے مرحلے کا باقاعدہ آغاز ہو چکا ہے۔ اس مرحلے میں حکومت کی کوشش ہے کہ تنخواہ دار طبقے پر انکم ٹیکس کا بوجھ کم کیا جائے۔

حکومتی ذرائع کے مطابق وزارت خزانہ، فیڈرل بورڈ آف ریونیو (ایف بی آر)، پلاننگ کمیشن، اکنامک افیئرز ڈویژن، اور وزارت پیٹرولیم کے اعلیٰ حکام اس مذاکراتی عمل میں شریک ہیں۔ اس کے ساتھ ساتھ اسٹیٹ بینک آف پاکستان کے نمائندگان بھی آئی ایم ایف وفد سے علیحدہ ملاقاتیں کریں گے۔

ذرائع کا کہنا ہے کہ بجٹ مذاکرات کے اس دوسرے مرحلے میں آمدن و اخراجات سے متعلق معاملات پر حتمی گفتگو ہوگی۔ اہم نکتہ یہ ہے کہ حکومت تنخواہ دار طبقے، خصوصاً سالانہ 10 سے 12 لاکھ روپے کمانے والے افراد کے لیے انکم ٹیکس کی شرح کم کرنے کی کوشش کر رہی ہے۔ وزیراعظم کی ہدایات کے مطابق ایف بی آر کو کہا گیا ہے کہ وہ اس طبقے کو ریلیف دینے کی مؤثر حکمت عملی وضع کرے۔

ذرائع وزارت خزانہ کے مطابق 22 مئی تک تمام بجٹ تجاویز کو حتمی شکل دی جائے گی، جب کہ بجٹ برائے مالی سال 26-2025 کو 2 جون 2025 کو قومی اسمبلی میں پیش کیا جائے گا۔

معاشی ماہرین کے مطابق اگر انکم ٹیکس کی شرح میں نرمی کی گئی تو یہ نہ صرف تنخواہ دار طبقے کے لیے ریلیف ثابت ہوگا بلکہ متوسط طبقے کی قوتِ خرید میں بھی بہتری آئے گی۔
—
وی او سی اردو
Disclaimer:
This news is based on initial reports and ongoing fiscal negotiations. VOC Urdu is not responsible for changes in final budget proposals.
وی او سی اردو: تحقیقی، تجزیاتی اور غیر جانبدار صحافت کا معتبر پلیٹ فارم
مزید خبروں کے لیے وزٹ کریں: www.newsvoc.com
ہمارا واٹس ایپ چینل جوائن کریں: https://whatsapp.com/channel/0029VaCmBaI84OmAfXL45G1k