آئی ایس او کی ٹرمپ کے پاکستان مخالف بیانات کے خلاف ریلی پر پولیس کا لاٹھی چارج

کراچی 28 اگست 2017
(بشیر باجوہ بیورو چیف پاکستان نیوز وائس آف کینیڈا)
آئی ایس او کی ٹرمپ کے پاکستان مخالف بیانات کے خلاف ریلی پر پولیس کا لاٹھی چارج اور شیلنگ 5مظاہرین کو حراست میں لے لیا گیا، نمائش چورنگی کے پاس صورتحال کشیدہ
امامیہ اسٹوڈنٹ آرگنائزیشن کی جانب سے ڈونلڈٹرمپ کے پاکستان مخالف بیانات کے خلاف ریلی پر پولیس کا لاٹھی چارج اور شیلنگ۔ابتدائی معلومات کے مطابق پولیس کے ایکشن کے بعد ریلی کے شرکاء نمائش چورنگی کے اطراف کی گلیوں میں گھس گئے۔جس کے بعد تاحال ریلی کے شرکاء اور پولیس کے درمیان تصادم جاری ہے ،اور مظاہرین کی جانب سے پولیس پر پتھراؤ کیا جارہا ہے۔
جبکہ پولیس کی جانب سے شیلنگ جاری ہے ۔پولیس حکام کے مطابق5مظاہرین کو حراست میں لے لیا گیاہے۔ذرائع کے مطابق امامیہ اسٹوڈنٹ آرگنائزیشن کے کارکنان امریکی قونصل خانے تک جاناچاہتے تھے ۔لیکن قانون نافذکرنے والے اداروں کی جانب سے اجازت نہیں دی گئی۔لیکن آئی ایس او کی ریلی کے شرکاء نے ہر صورت قونصل خانے جا نے کا اعلان کیا۔جس کے بعد پولیس نے ایکشن لیا اور شرکاء پر لاٹھی چارج اور شیلنگ شروع کردی ۔جس کے بعد سے تاحال نمائش چورنگی کے پاس صورتحال کشیدہ ہے ۔